რა არის ემოცია ? მას არც ფერი აქვს, არც ფიზიკური მდგომარეობა, არც სუნი, არც გემო, არც მატერიალური ღირებულება და მაინც ყველაფერზე ძვირფასია.
ემოციების ნაკლებობა ყოველთვის აისახება ადამიანის თვალებზე.
ტირილამდე კარგი მუსიკა მოგისმენიათ? ვისაც არა, გეტყვით, რომ ასეთი მუსიკა აქვს ამერიკელ ვარსკვლავს Stacey Kent-s.
შესრულების განსაკუთრებული მანერა ხაზს უსვამს მუსიკოსის ინდივიდუალიზმს და პროფესიონალიზმს. პორტუგალიური, ამერიკული და ფრანგული ჰანგების სინთეზი ადგილიდან გაუნძრევლად გამოგზაურებთ სხვა სამყაროში, სადაც არ არსებობს დრო და სივრცე და არსებობს მხოლოდ მუსიკა, რომელსაც არაფერი გააჩნია ემოციების ზღვის გარდა.
გრემის ნომინანტის, საუკეთესო ვოკალისტად აღიარებული Stacey Kent-ის ჯადოსნური მუსიკის მოსმენის საშუალება ქართველ პუბლიკას თბილისის 27-ე ჯაზ ფესტივალის ფარგლებში, რუსთაველის თეატრში, მიეცა. იგი მეუღლესთან, საქსაფონისტ ჯიმ ტომლნსონთან ერთად ეწვია საქართველოს და საოცრად რომანტიული საღამო აჩუქა ქართველ მელომანებს. მსოფლიო ტურნეს ბოლო კონცერტი თბილისში ძალიან განსაკუთრებული აღმოჩნდა და აღფრთოვანებულ მსმენელს ბისზე დაბრუნებულმა მომღერალმა რამდენიმე სიმღერა შეუსრულა.
თბილისის ჯაზ-ფესტივალი ტრადიციულად „ისთერნ ფრომოუშენის“ ორგანიზატორობით ტარდება საქართველოში და ქართველ მსმენელს აძლევს საშუალებას ეზიარონ ხარისხიან მუსიკას მსოფლიო დონის ვარსკვლავების შესრულებით.
კონცერტის ვიდეოების ნახვა შეგიძლიათ ჩვენს ინსტაგრამზე : Retromania.ge
