11 მაისს Club Iveria – ს ორგანიზებით კლუბ „ Republic“-ის სცენამ ეისიდ ჯაზის ლეგენდარულ შემსრულებელ ბენდს „ Incognito”-ს უმასპინძლა.
ბენდი 1979 წელს ჟან -პოლ Bluey-ს და პოლ უილიამსის მიერ დაარსდა. ბენდს საკმაოდ საინტერესო ისტორია აქვს , იგი თანამშრომლობდა ისეთ მუსიკოსებთან , როგორიცაა სტივ ვანდერი და ჯორჯ ბენსონი.
1991 წელს გამოშვებულმა ჰიტმა „ Always There” ბენდს პოპულარობა მოუტანა კლუბური ცხოვრების მოყვარულებშიც.
კონცერტი გაიხსნა არაჩვეულებრივი სიმღერით „Nothing makes me feel better”, რაც იმას ნიშნავდა, რომ არაფერი გვაგრძნობინებდა თავს უკეთესად, ვიდრე ეს არაჩვეულებრივი მუსიკის ჰანგები. სცენაზე ერთმანეთს ენაცვლებოდა ჰიტები, რომლებიც ქართველ პუბლიკას განსაკუთრებულად უყვარს : “ Don’t you worry But a thing, Keep me in dark, Step Aside და სხვა. კონცერტი დასრულდა სიმღერით “Nights over Egypt და ბენდი მომავალ შეხვედრამდე დაგვემშვიდობა.
უნდა აღინიშნოს ორგანიზატორების ძალიან კარგი დამოკიდებულება მედიასთან. საშუალება მოგვცეს დავსწრებოდით და გადაგვეღო კონცერტამდე საბოლოო რეპეტიცია (Sound Cheсk).
Chicco Allota-მ (კლავიში) და Francesco Mendolia-მ (დრამი) საქართველოზე საუბრის და ემოციების გაზიარების შემდეგ იკითხეს რას აპროტესტებდა ქართველი ხალხი ასე აქტიურად ქუჩაში, როდესაც გაიგეს საპროტესტო აქციების მიზანი, გვითხრეს, რომ ქართველი ხალხი ძალიან განსაკუთრებელია, ნამდვილად იმსახურებს ევროპულ მომავალს და დაგვპირდნენ, რომ შევხვდებით ევროპულ საქართველოში.
კონცერტის ვიდეოების ნახვა შეგიძლიათ ჩვენს ინსტაგრამზე : Retromania.ge
#Incognito #incognitointbilisi #clubiveria #retromaniage #vinylblog #vinylrecords
